Të jetosh pa frikë - Letërsia si akt lirie

Një mbrëmje ku fjala nuk është thjesht letërsi, por vetë frymëmarrje. Poetja laureate Rita Petro, një zë i guximshëm që për dy dekada ka sfiduar heshtjen dhe ka thyer kufijtë e të pathënës — jo vetëm në letërsi — vjen për një takim të hapur me bashkëkombësit e saj në Toronto. Përmes vargjeve dhe rrëfimeve, ajo sjell të vërteta që provokojnë, por edhe çlirojnë, duke e shndërruar letërsinë në një hapësirë lirie ku çdo shpirt mund ta njohë veten. Një takim për të dëgjuar, për të biseduar lirshëm, për t'u frymëzuar dhe për të gjetur guxim — ndoshta edhe për të mos u pajtuar — por kurrë për të mos mbetur indiferentë ndaj temave të emancipimit si shoqëri.